(R) “Unibank” IPhone istifadəçiləri üçün bank xidmətlərini daha yaxın etdi

“Unibank” məşhur "İOS” platformasında olan “IPhone” smartfonlarının sahibləri üçün
yeni mobil əlavəni işə salıb. Artıq “İnfoUnibank” mobil proqramının istifadəçiləri, Banka
gəlmədən, onun xidmətləri, tarifləri və faiz dərəcələri barədə məlumat əldə etmək, ən yaxın ödəmə məntəqəni tapmaq, eləcə də mobil operatorlar, kommunal və digər xidmətlər üzrə mobil telefonlarından on-layn ödəniş apara bilərlər.

Bankçılıqda müasir tendensiyaları nəzərə alan “Unibank”, özünün 20 yaşının tamam olduğu ildə məsafədən xidmət kanallarını genişləndirir və “İnfoUnibank” da bunlardan biri oldu. “İOS” bazasında qurulan bu proqramın funksionallığı və interfeysi “Unibank”ın ən yaxın filial, şöbə və ya bankomatını asanlıqla tapmağa imkan verir.

Bundan başqa, hər bir müştəri Bank xəbərləri, kredit və depozit kalkulyatorları, valyuta
mübadiləsi məzənnələrindən istifadə edə bilər. “İnfoUnibank” vasitəsi ilə Bankın telefon
mərkəzinə zəng etmək və on-layn məsləhət almaq olar. Həmçinin qeyd edək ki, bu proqram üç dildə (Azərbaycan, İngilis və Rus dillərində) həm on-layn, həm də off-layn rejimində işləyir.

Müştərilərin vaxtına qənaət etmək və bank əməliyyatlarının operativliyinin artırmaq
üçün “Unibank” rahat və etibarlı məsafədən xidmət kanallarını inkişaf etdirəcək. Bu məqsədlə Bank mobil platformaların əksəriyyəti üçün açıq olan yeni proqram əlavələri hazırlamaq niyyətindədir. Ən yaxın gələcəkdə Bankın mobil əlavələri vasitəsi ilə müştərilər, kart hesabları daxil olmaqla, köçürmələr həyata keçirmək, əməliyyatlar üzrə çıxarışlar əldə etmək, vəsaitlərin bir valyutadan digərinə mübadiləsini aparmaq, əmanətin açılması, plastik kartlar üzrə və ya kreditlərin alınması üçün on-layn sifariş verə biləcəklər.

“İOS” platformasında olan mobil telefonlar üçün “İnfoUnibank” əlavəsini artıq məşhur “App store” proqram təminatı üzrə İnternet-mağazasından pulsuz yükləmək olar.

Xidmətlə bağlı əlavə məlumatları (012)117 saylı telefondan öyrənə bilərsiniz.

Unibank - hər kəsin bankı!