DəmirBank-da əhalinin əmanətləri 31,5 faiz artıb

DəmirBank-ın aktivləri 1 oktyabr 2012-ci il tarixinə 371,9 mln. manat təşkil edib, bu isə ötən ilin müvafiq göstəricisi ilə müqayisədə 24,9 mln. manat və ya 7,2% çoxdur. Müştərilərə verilən kreditlərin həcmi isə bu dövr ərzində 34,7 mln. manat və ya 14% artaraq 284,9 mln. manatı keçib.

Bankda müştəri depozitlərinin həcmi 1 oktyabr 2012-ci il tarixinə 147,7 mln. manat olub. Əhalinin əmanətlərinin həcmi isə 1 oktyabr 2012-ci il tarixinə 124,6 mln. manat təşkil edib ki, hesabat dövrü ilə müqayisədə bu göstərici 25,9% və ya 25,7 mln. manat çoxdur.

Bankın nizamnamə kapitalı 1 oktyabr 2012-ci il tarixinə 21 mln. manat, məcmu kapitalı isə 55,6 mln. manat olub.

Ölkənin ilk və aparıcı banklarından olan DəmirBank 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. DəmirBank Fitch Ratings və Planet Rating agentliklərinin “stabil” proqnozlu “B” reytinqlərinə malikdir. Bu reytinqlər ölkənin bank sektorunda yüksək reytinqlər sırasındadır.