ARDNŞ korrupsiyaya qarşı yeni standartlarla işləyəcək
09 oktyabr 2012 10:36 (UTC +04:00)

ARDNŞ korrupsiyaya qarşı yeni standartlarla işləyəcək

Beynəlxalq standartlara keçid üzrə aparılan genişmiqyaslı tədbirlər çərçivəsində ARDNŞ-in “Korrupsiya ilə mübarizə və şəffaflığın artırılması” sahəsində 9 yeni standartı hazırlanıb və toplu halında şirkətin 10 avqust 2012-ci il tarixli əmri ilə təsdiqlənib.

Lent.az-ın ARDNŞ-in rəsmi saytına istinadən verdiyi məlumata görə, oktyabrın 4-5-də həmin standartların təqdimatı və müvafiq treninqlər keçirilib. Əvvəlcə ARDNŞ-in vitse-prezidentləri, şirkətin strukturuna daxil olan idarə və müəssisələrin rəhbərləri, departament və şöbə rəisləri, sonra isə Təlim Tədris Sertifikatlaşdırma İdarəsində müəssisələrin qurum rəhbərləri üçün treninqlər təşkil olunub. Treninqlərdə beynəlxalq qanunvericiliyin tələblərinə uyğun yeni standartların ARDNŞ-də tətbiqi qaydaları slaydlar vasitəsi ilə iştirakçılara izah edilib, onların sualları ətraflı cavablandırılıb.

Yeni standartlar 2013-cü il yanvarın 1-dən qüvvəyə minəcək.
# 1079

Oxşar yazılar