Azərbaycan Ukraynada turizm sərgisində təmsil olunacaq
08 oktyabr 2012 11:52 (UTC +04:00)

Azərbaycan Ukraynada turizm sərgisində təmsil olunacaq

Oktyabrın 11-dən 13-dək Ukraynanın paytaxtı Kiyevdə “Ukraine International Travel Market” adlı beynəlxalq turizm sərgisi keçiriləcək. Mədəniyyət və turizm Nazirliyinin mətbuat xidmətindən Lent.az-a verilən xəbərə görə, sərgidə nazirliyin turizm şöbəsinin müdiri Aydın İsmiyevin rəhbərliyi ilə ölkəmizin nümayəndə iştirak edəcək. Nümayəndə heyətinə şöbənin Tədqiqat işləri, statistika və lisenziyalaşdırma sektorunun müdiri Rəhman Oruclu, “Regea Travel”, “Billur Tour”, “Geo Travl”, “Millennium Tourism & Congress DMC”, “Gilan turizm”, “Qranit AS” və “Safe Way” şirkətlərinin nümayəndələri daxildir.

Sərgidə ölkəmizin turizm potensialının nümayiş etdirilməsi məqsədilə Nazirlik tərəfindən 48 kv.m. lövhə icarəyə götürülüb. Burada paytaxt Bakı və regionlarımızın turizm imkanlarını əks etdirən 30 adda reklam-çap məhsulları yerləşdiriləcək. Təbliğat materialları stendimizlə maraqlanan ziyarətçilərə paylanacaq.

Qeyd edək ki, Azərbaycan Ukrayna sərgisində artıq 5-ci dəfədir, iştirak edir.

Jalə
# 1141

Oxşar yazılar