(R) “Unibank” pul köçürmələri üzrə dövriyyəsini 25 faiz artırıb

Son bir il ərzində təcili pul köçürmələri sistemləri üzrə “Unibank”-ın dövriyyəsi 25,3% artaraq 60 milyon manata çatmışdır. Bankın filialları vasitəsi ilə yanvar-avqust aylarında 112,5 min təcili pul köçürməsi həyata keçirilib, bu da ötən ilin müvafiq dövrü ilə müqayisədə 32% çoxudr.

Bu növ əməliyyatların orta aylıq sayı ilin əvvəlindən ikiqat artım nümayış etdirir.
Nəticədə pul köçürmələri seqmentində Bankın aylıq dövriyyəsi yanvar-avqust aylarında 70% artıb, gün ərzində qeydə alınan köçürmələrin məcmu məbləği isə 500 min manata yaxınlaşır. Maraqlıdır ki, Bakıdan kənar bölgələrdə fəaliyyət göstərən 9 filialda təcili pul köçürmələri üzrə əməliyyatların həcmi “Unibank”-ın ümumi dövriyyəsindən 43% təşkil edib. Bu zaman yalnız Gəncədə çalışan iki filialın payı avqust ayında 15%-yə çatıb.

Qeyd edək ki, hər pul köçürmə əməliyyatının orta məbləği Bank üzrə 545 manat təşkil edib. Gün ərzində 500$/500EUR (və ya 20000 RUR) və daha çox məbləğdə vəsait göndərən və alanlar “Unibank”-dan bonus kimi mobil telefon danışıqları üçün pulsuz kart əldə edirlər. Həmçinin xatırladaq ki, hal-hazırda Bank 13 beynəlxalq pul köçürmələri sistemi ilə əməkdaşlıq edir. Onlar sırasında “Western Union”, “Bıstraya Poçta”, “CONTACT”, “Faster”, “Migom”, “LİDER”, “Zolotaya Korona”, “BLIZKO”, “Coinstar”, “Allure” və “PrivatMoney” kimi beynəlxalq pul köçürmələri operatorları var.