Gömrük ekspertizasının qiymətləri müəyyənləşdi - CƏDVƏL

Nazirlər Kabineti gömrük nəzarəti və rəsmiləşdirilməsi ilə əlaqədar olaraq bəyannaməsinin, mallar barəsində səlahiyyəti olan şəxslərin və ya onların nümayəndələrinin təşəbbüsü ilə malların gömrük ekspertizasının aparılması üçün alınan gömrük yığımlarının miqdarının müəyyənləşdirilməsi barədə qərar verib.
Lent.az-ın verdiyi məlumata görə, yığımların miqdarı aşağıdakı kimi müəyyənləşib:

Sıra №-si	Gömrük ekspertizasının növləri	Yığımların miqdarı (manatla)
1	2	3
1. Malların tərkibinin və texniki göstəricilərinin müəyyən edilməsi
1.1.	malın tərkibinin ekspertizası	50
1.2.	malın texniki göstəricilərinin ekspertizası	30
2. Malların xarici iqtisadi fəaliyyətin mal nomenklaturasına uyğun olaraq aidiyyətinin, təsnifat kodunun müəyyən edilməsi və eyniləşdirilməsi
2.1.	malların xarici iqtisadi fəaliyyətin mal nomenklaturasına uyğun olaraq aidiyyətinin yoxlanılması və təsnifat kodunun ekspertizası	20
2.2.	malların eyniləşdirilməsi üzrə ekspertiza	50
3. Malların mənşə ölkəsinin, emal prosesində hasilat normalarının, istehsal tarixinin və keyfiyyətinin müəyyən edilməsi
3.1.	malların mənşə sənədlərinin həqiqiliyinin yoxlanılması	20
3.2.	emal prosesində malların hasilat və ya orta hasilat normalarının ekspertizası	100
3.3.	malların istehsal tarixinin ekspertizası	5
3.4.	yeyinti məhsullarının keyfiyyətinin və təhlükəsizliyinin ekspertizası	100
3.5.	nəqliyyat vasitələrinin ekspertizası	30
1	2	3
3.6.	istehlak məhsullarının ekspertizası	30
3.7.	mikrobioloji ekspertiza (hər bir parametr üzrə)	20
3.8.	spirt və spirtli içkilərin xromatoqrafik ekspertizası	80
3.9.	mikotoksinlərin ekspertizası	110
3.10.	yeyinti məhsullarında və suda pestisidlərin ekspertizası	125
3.11.	ekspress-rentgenspektral ekspertiza	50
3.12.	rentgenspektral ekspertiza (hər bir parametr üzrə)	25
3.13.	nitrat və ya nitritlərin ekspertizası	50
3.14.	ağır metalların ekspertizası (hər bir parametr üzrə)	10
3.15.	yeyinti məhsullarında və suda ion-xromatoqrafiya ekspertizası (hər bir parametr üzrə)	10
3.16.	məhsullarda genetik modifikasiya olunmuş orqanizmlərin ekspertizası	100
3.17.	yeyinti məhsullarında antibiotiklərin ekspertizası	50
3.18.	yeyinti məhsullarında histaminin ekspertizası	50
3.19.	yeyinti məhsullarında qida əlavələrinin (konservantların, boyaq maddələrinin və s.) ekspertizası (hər bir parametr üzrə)	30
3.20.	fiziki-kimyəvi ekspertiza (hər bir parametr üzrə)	10
3.21.	orqanoleptik ekspertiza	8
3.22.	dərman vasitələrinin, narkotik və psixotrop maddələrin və onların prekursorlarının, bioloji qida əlavələrinin və onların substansiyalarının ekspertizası	100
3.23.	neft və neft məhsullarının ekspertizası	100
4. İxrac nəzarətinə düşən malların ikili təyinatlı olmasının yoxlanılması
4.1.	ixrac nəzarətinə düşən malların ikili təyinatlı olmasının ekspertizası	50
5. Malların kimyəvi və mineraloji tərkibinin müəyyən edilməsi
5.1.	malların kimyəvi və ya mineraloji tərkibinin ekspertizası	50

1	2	3
6. Ekoloji baxımdan təhlükəli, tərkibində ozondağıdıcı maddələr olan malların və tullantıların müəyyən edilməsi
6.1.	təhlükəli tullantıların ekspertizası	50
6.2.	ozondağıdıcı malların ekspertizası	50
7. Radiasiya təhlükəsi olan malların müəyyən edilməsi
7.1.	radioloji ekspertiza	50
8. Malların gömrük dəyərinin təyin olunması
8.1.	malların gömrük dəyərinin ekspertizası	50
9. Malların tarixi və sənətşünaslıq baxımından dəyərliliyinin müəyyən edilməsi
9.1.	malların tarixi və sənətşünaslıq baxımından dəyərliliyinin ekspertizası	50

Malların xarici iqtisadi fəaliyyətin mal nomenklaturasına uyğun olaraq aidiyyətinin və təsnifat kodunun ekspertizasına görə gömrük yığımları hər bir təsnifat kodu üzrə, emal prosesində hasilat normalarının müəyyən edilməsi üçün gömrük yığımları hər bir müraciət üzrə, digər ekspertiza məqsədləri üçün isə gömrük yığımları hər bir mal üzrə ayrılıqda tətbiq edilir