FHN-nin idmançıları beynəlxalq yarışlarda uğurlu çıxış ediblər

Avqustun 23-25-də Türkiyənin Rizə şəhərində Karate üzrə beynəlxalq turnir keçirilib. Fövqəladə Hallar Nazirliyinin mətbuat xidmətindən Lent.az-a verilən məlumata görə, yarışda 12 ölkədən 1500-dən çox idmançı mübarizəyə qatılıb.

Fövqəladə Hallar Nazirliyinin komandası İdman Sağlamlıq Mərkəzinin məşqçi müəllimi Coşqun Sadıqovun rəhbərliyi altında 3 gənc idmançımız ilə bu yarışa qatılaraq yüksək nəticələr göstəriblər.

Komandanın üzvü Hacıyeva Fatma 10 yaşlı idmançılar arasında -30 kq çəki dərəcəsində 5 döyüş keçirərək, bütün rəqiblərinə qalib gələrək qızıl medalın sahibi olub. Komandanın digər üzvü Səfərov Əli 10 yaşlı idmançılar arasında -30 kq çəki dərəcəsində 6 görüş keçirərək yarışın gümüş medalına layiq görülüb.

Sentyabrın 3-də Fövqəladə Hallar Nazirliyinin İdman Sağlamlıq Mərkəzinin rəisi polkovnik Füzuli Musayev gənc idmançıları qəbul edərək, onları qazandıqları bu nəaliyyətlərə görə təbrik edib, gələcək yarışlara müvəffəqiyyətlər arzulayıb.

Bundan başqa, avqustun 23-24-də Yaponiyanın Tokio şəhərində Karate-Do üzrə 14-cü Dünya çempionatı keçirilib. Bu çempionata 52 ölkədən 750 idmançı, o cümlədən ölkəmizi Fövqəladə Hallar Nazirliyinin komandasının ənənəvi Karate-Do Federasiyasının rəhbəri Fövqəladə Hallar Nazirliyinin Akademiyasının İdman qəza-xilasetmə kafedrasının rəisi 7-ci dan qara kəmər sahibi professor Əhməd Hətəmovun rəhbərliyi altında 3 idmançımız, 65 kq çəki dərəcəsində İmran Quluzadə, 74 kq çəki dərəcəsində Mehman Eynalov və +75 kq çəki dərəcəsində Fuad Əliyev mübarizəyə qatılaraq təmsil edib.

İdmançılarımız dünya çempionatında millimizi uğurla təmsil edərək, +75 kq çəki dərəcəsində Fuad Əliyev çempionatın qızıl, -74 kq çəki dərəcəsində Mehman Eynalov isə gümüş medalına sahib olub.

Sentyabrın 5-də Fövqəladə Hallar Nazirliyinin İdman Sağlamlıq Mərkəzinin rəisi polkovnik Füzuli Musayev Yaponiyanın Tokio şəhərində Karate-Do üzrə dünya çempionatında fəxri pillələrə yüksəlmiş idmançıları qəbul edərək, onları qazandıqları bu nəaliyyətlərə görə təbrik edib, gələcək yarışlara müvəffəqiyyətlər arzulayıb və xatirə şəkliləri çəkdirilib.