Səudiyyə Ərəbistanının “Əl-Nəsr” klubunun portuqaliyalı hücumçusu Kriştiano Ronaldo “Instagram” səhifəsində 600 milyon insan tərəfindən üzv olunan ilk şəxs olub.
Lent.az xarici mediaya istinadən bildirir ki, Ronaldo 2022-ci ilin noyabrında bu sosial şəbəkədə 500 milyon abunəçi həddini keçib. Bununla belə, hücumçunun hesabı ən populyar deyil: rəsmi “Instagram” səhifəsinə daha 51 milyon insan abunə olub.
İnsanlar arasında ikinci yeri daha bir görkəmli futbolçu - "İnter Mayami"nin argentinalı hücumçusu Lionel Messi tutur, onun səhifəsinə 482 milyon istifadəçi abunə olub.
Avqustun 12-də “Əl-Nəsr” Ərəb Çempionlar Kubokunun final oyununda “Əl-Hilal”ı məğlub edib. Taifdəki kral Fəhd Beynəlxalq Stadionunda keçirilən görüş əlavə vaxtdan sonra 2:1 hesabı ilə başa çatıb. Ronaldo iki dəfə fərqlənib. Beləliklə, Ronaldo “Əl-Nəsr”in tərkibində ilk kuboku qazanıb. Ümumilikdə Ronaldonun klub səviyyəsində 30 kuboku var.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
