Portuqaliya millisinə kimin rəhbərlik edəcəyi AÇIQLANIB

Portuqaliya millisinin yeni baş məşqçisi Jorje Jezuş olacaq.

Lent.az xarici KİV-ə istinadla bildirir ki, mənbənin məlumatına görə, 71 yaşlı portuqaliyalı məşqçi Portuqaliya Futbol Federasiyası (FPF) prezidentinin baş məşqçi vəzifəsinə əsas namizədidir. Jezuşun Portuqaliyanın İspaniya və Mərakeşlə birgə ev sahibliyi edəcəyi 2028-ci il Avropa və 2030-cu il Dünya çempionatı üçün yeni hazırlıq dövrünə başlaması gözlənilir.

Bu yay Jezuş 2025-ci ilin iyul ayında vəzifəsini icra etdiyi Səudiyyə Ərəbistanının “Əl-Nəsr” komandasından ayrılıb. Daha əvvəl o, "Benfika" (2009-2015, 2020-2021), "Sportinq" (2015-2018), "Əl-Hilal" (2018-2019, 2023-2025), "Flamenqo" (2019-2020) və "Fənərbaxça" (2022-2023) klublarını çalışdırıb.

Portuqaliya millisinin baş məşqçisi Roberto Martines 2026-cı il Dünya çempionatının dörddəbir finalında İspaniyaya 1:0 hesablı məğlubiyyətdən sonra milli komandadan ayrıldığını açıqlayıb. 52 yaşlı ispaniyalı mütəxəssis bu vəzifəni 2023-cü ilin yanvar ayından bəri tuturdu və 2022-ci ildə Qətərdə keçirilən Dünya çempionatından sonra Fernando Santosu əvəz edib.