"Çelsi" mərkəz müdafiəçisi Tiyaqo Silvanın oyunundan razıdır.
Lent.az xarici mediaya istinadla bildirir ki, bu barədə insayder Fabrizio Romano məlumat verib.
Onun sözlərinə görə, London klubu futbolçu ilə müqaviləni 2024-cü ilin yayına qədər uzatmaq qərarına gəlib. Hazırkı müqavilə 2023-cü ilin iyununda başa çatır.
Xatırladaq ki, təcrübəli braziliyalı 2020-ci ilin avqustundan London klubunda çıxış edir. Bu müddət ərzində futbolçu 105 oyun keçirib və komandasına Çempionlar Liqası və UEFA Super Kuboku da daxil olmaqla 4 kuboku qazandırıb.
Tiyaqo Silva əvvəllər PSJ, “Milan” və digər klublarda çıxış edib.