Kişi karateçilərdən ibarət Azərbaycan yığması dünya çempionatında çıxışını başa vurub.
Lent.az-ın Apasport.az saytına istinadla məlumatına görə, komanda yarışında mübarizə aparan millimiz 3-cü yer uğrunda qarşılaşmaya çıxıb.
Heyətində Rafael Ağayev, Turqut Həsənov, Rafiz Həsənov və Tural Ələkbərlinin yer aldığı yığmamız Özbəkistanla üz-üzə gəlib. Rəqibini 3:2 hesabı ilə məğlub edən komanda mundialı 3-cü yerdə başa vurub.
Xorvatiya (2:2), Hindistan (3:0), Yaponiya (3:0) və Serbiya (1:3) ilə görüşlərdən sonra təsəlliverici qarşılaşmada Şimali Makedoniyanı (3:0) məğlub edən millimiz bununla da fəxri kürsünün üçüncü pilləsinə qalxıb.
Qeyd edək ki, fərdi yarışlarda kişilərdə Asiman Qurbanlı (+84 kq) bürünc, qadınlarda İrina Zaretska (68 kq) qızıl medal qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
