"Mançester Yunayted"in keçmiş qapıçısı David de Xea əvvəllər "Atletiko"da çıxış etdiyi La Liqaya qayıda bilər.
Lent.az xarici mediaya istinadən bildirir ki, 32 yaşlı De Xea 2022/23 mövsümünün sonunda "Mançester Yunayted"dən ayrıldıqdan sonra azad agent olaraq qalır. Qapıçı o vaxtdan bəri Səudiyyə Ərəbistanı da daxil olmaqla bir neçə təklifi rədd edib. Onun “Bavariya” və “Real” kimi klublara keçəcəyi söylənilsə də, lakin reallaşmayıb.
Bununla belə, De Xea İspaniyaya qayıda bilər – “Betis” onunla maraqlanır, bunu “Fichajes” iddia edir. Xəbərdə o da bildirilir ki, “Valensiya” 32 yaşlı futbolçunu transfer etməyi düşünür. Ancaq “Mançester Siti”nin keçmiş ulduzu Klaudio Bravo ilə danışıqların nəticəsiz qalmasından sonra “Betis” favorit kimi görünür.