Qapıçı öpüş əvəzinə şillələndi...

Lent.az-ın məlumatına görə, Gelzenkirhen komandası 2002-ci ildən sonra ilk Almaniya Kubokunu finalda “Duysburq”u 5:0 hesabı ilə yenərək qazanıb.

Noyerin fanatla toqquşması qapıçı açıq avtomobillə küçə gəzintisi vaxtı baş verib. O, küçəyə doluşan azarkeşlərdən təbriklər qəbul edib. 25 yaşlı qolkiper fanatlardan birini qucaqlamağa cəhd edərkən gözlənilmədən sifətinə şillə dəyib. Çox güman ki, azarkeşin narazılığı Noyerin klubla 2012-ci ilədək olan müqaviləsini uzatmaması səbəbindən baş verib. Onun “Şalke 04”ün əsas rəqiblərindən sayılan “Bavariya”ya keçəcəyi gözlənilir.

Qeyd edək ki, Manuel Noyer iyunun 7-də 2012-ci il Avropa çempionatının seçmə qrup matçı üçün Almaniya yığmasının heyətində Bakıya gələcək. Bundestim indiyədək qapısından bir qol buraxıb ki, o da millimizlə görüşə təsadüf edib. Vaqif Cavadovun aktivinə yazılan qol məhz Noyerin qoruduğu qapıya daxil olub.