Azərbaycan və Rusiya yığmaları Lənkəranda

Lent.az-ın məlumatına görə, şimal qonşumuzun baş məşqçisi Viktor Lisitsin Azərbaycana 5 boksçu gətirəcək.

Hazırlıq prosesinə Avropa çempionu, dünya çempionatının gümüş mükafatçısı Yelena Savelyeva (51 kq), ikiqat dünya və Avropa çempionu Sofya Oçiqava (60 kq), Avropa çempionu Nadejda Torlopova və İrina Poteyeva (hər ikisi 75 kq) qatılacaq. Onlar az öncə Novosibirskdə başa çatan Rusiya çempionatında da uğurla çıxış ediblər. Mayın 30-dək davam edəcək toplanışda milli komandamızı baş məşqçi Aleksandr Denisovun rəhbərliyi altında 3 idmançı – Ayzanat Hacıyeva (60 kq), Əzizə Abbasova (51 kq) və Yelena Vıstropova (75 kq) hazırlıq keçəcəklər.

Qeyd edək ki, Yelena Vıstropova bu günlərdə Qazaxıstanda keçirilmiş beynəlxalq turnirdə qızıl medala layiq görülüb. Hacıyeva isə həmin yarışı 3-ü yerdə başa vurub. Olimpiya oyunlarında qadın boksunda yarışlar 3 çəki dərəcəsində (51, 60 və 75 kq) keçiriləcək.