Çempionlar Liqasının yarımfinalında “El-Klassiko”

Lent.az-ın məlumatına görə, ¼ final mərhələsinin bu gecə keçirilmiş cavab görüşlərində də möcüzə baş verməyib.

Turnirin son qalibi İtaliya “İnter”i “Şalke 04” klubuna Almaniyada da uduzub. Bununla da “Şalke 04” tarixində ilk dəfə Çempionlar Liqasının yarımfinalında iştirak hüququna yiyələnib. Kubokun 9 qat sahibi İspaniya “Real Madrid”i isə “Tottenhem”ə İngiltərədə də qalib gəlib.

Daha öncə növbəti mərhələyə İspaniyanın “Barselona” və İngiltərənin “Mançester Yunayted” komandaları da çıxıb. Beləliklə, yarımfinalda “Real Madrid” – “Barselona” və “Şalke 04” – “Mançester Yunayted” qarşılaşmaları oynanılacaq. Oyunlar 26-27 apreldə və 3-4 mayda keçiriləcək.

13 aprel

“Tottenhem” (İngiltərə) – “Real Madrid” (İspaniya) - 0:1
Kriştianu Ronaldu, 50
İlk oyun - 0:4

“Şalke 04” (Almaniya) – “İnter” (İtaliya) - 2:1
Raul, 45. Benedikt Hövedes, 81 - Tiaqo Motta, 49
İlk oyun - 5:2).