Çempionlar Liqası: Formal oyunlar

Lent.az-ın məlumatına görə, Almaniyanın “Şalke 04” klubu tarixində ilk dəfə yarımfinala çıxmağa çox yaxındır.

İspaniyanın “Real Madrid” klubu isə İngiltərə paytaxtı Londonda növbəti mərhələyə vəsiqəsini rəsmiləşdirə bilər.

23:45. “Tottenhem” (İngiltərə) – “Real Madrid” (İspaniya)
Baş hakim: Nikola Ritsoli (İtaliya)
İlk oyun – 0:4

“Real Madrid” İngiltərə “Tottenhem”i üzərində ilk görüşdə böyük hesabla qalib gələrək, 2003-cü ildən sonra ilk dəfə yarımfinala vəsiqə barədə düşünməyə başlayıb. Düzdür, London komandası öz meydançasında madridlilərlə haqq-hesab çəkməkdə qərarlıdır. Çünki “Tottenhem” bu mövsüm 5 ev oyunundan 4-də qələbə qazanıb. Amma “Kral klubu” da cari turnirdə səfərdə heç bir məğlubiyyətlə üzləşməyib. “Real Madrid” 2000-ci ildən sonra “pley-off” mərhələsinin səfər matçlarında bir dəfə də qalib gələ bilməyib.

“Şalke 04” (Almaniya) – “İnter” (İtaliya)
Baş hakim: Damir Skomina (Sloveniya)
İlk oyun – 5:2

İlk ¼ final matçında Çempionlar Liqasının son qalibi “İnter” Almaniya çempionatında 9-cu yeri tutan “Şalke 04”ə böyük hesabla uduzaraq azarkeşlərini şoka salıb. “Şalke 04” tarixində ilk dəfə turnirin yarımfinalına çıxa bilər. Gelzenkirhenlilər ev oyunlarında gözəl təsir bağışlayırlar. Bu mövsüm komanda doğma meydanında 4 görüşün hamısını qələbə ilə başa vurub. Digər tərəfdən, Almaniya klubu iki matçlıq qarşıdurmalarda uduzmayıb.

Qeyd edək ki, “Real Madrid” – “Tottenhem” cütünün qalibi yarımfinalda “Barselona” (İspaniya), “Şalke 04” – “İnter” duetində qələbə qazanan komanda isə “Mançester Yunayted” (İngiltərə) ilə görüşəcək.