Dünya Uşaq Oyunları Türkiyədə

Lent.az-ın trt.net.tr saytının Azərbaycan versiyasına istinadən verdiyi məlumata görə, paytaxt Ankara nəhəng bir tədbirlə dünya uşaqlarını qonaq edəcək.

Aprelin 24-də açılışı olacaq Dünya Uşaq Oyunlarında 90 ölkədən 3 min idmançı iştirak edəcək. Oyunlarda Türkiyəni 1200 idmançı təmsil edəcək. Tədbirin açılış mərasimi “Anadolu mədəniyyətləri və sivilizasiyalar toplantısı” mövzusunda keçiriləcək. Ankara Böyükşəhər bələdiyyə başqanı Məlik Gökçək tədbirlə bağlı mətbuat konfransında bütün idman yarışlarını TRT-nin müxtəlif kanallarından yayımlama şanslarının olacağını söyləyib.

Dövlət naziri Faruk Nafiz Özak da Dünya Uşaq Oyunlarının Ankara və Türkiyənin beynəlxalq miqyasda tanıdılması baxımından önəmli rol oynayacağını bildirib. Dünya Uşaq Oyunlarının simvolu da diqqət çəkib. Seymən qiyafəti geyinən "Misket" adlı Ankara pişiyi oyunların simvolu seçilib.

13 idman kateqoriyasında keçiriləcək Dünya İdman Oyunları mayın 1-də başa çatacaq.