Avropa Liqası: Portuqaliyanın 3 klubu Hollandiya və postsovet klublarına qarşı

Lent.az-ın məlumatına görə, bu mərhələdə “Böyük 5-lik” çempionatlarından yalnız İspaniya La Liqası “Vilyarreal”la təmsil olunacaq.

Daha çox qələbə şansı Portuqaliyaya məxsusdur. Çünki 8 güclü komanda arasında bu ölkənin 3 təmsilçisi var. Hətta yarımfinal cütlərindən birinin iştirakçılarının Portuqaliyadan olması da istisna deyil. 1993-1994-cü il UEFA Kubokundan sonra bu ölkədən Avropa kuboklarının ¼ finallarında çoxlu sayda komanda oynamayıb. Daha iki klub – PSV və “Tvente” Hollandiyanı təmsil edirlər. “Spartak” və Kiyev “Dinamo”su isə postsovet məkanındandır.

Yarımfinalda Portuqaliyanın iki klubu o halda qarşılaşa bilər ki, “Braqa” Ukraynanın “Dinamo” (Kiyev), “Benfika” isə Hollandiyanın PSV komandasını üstələsin. Bu isə finala Portuqaliyanın ən azı bir komandasının vəsiqə qazanacağı deməkdir. “Benfika” ilə PSV 1988-ci ildə Çempionlar Kubokunun finalında qarşılaşıblar. Həmin vaxt hollandiyalılar penaltilər seriyasında qələbə qazanıblar.

Digər portuqaliyalı finalçı “Portu” ola bilər. Bunun üçün əvvəlcə Rusiyanın “Spartak” (Moskva), sonra “Vilyarreal” (İspaniya) – “Tvente” (Hollandiya) cütünün qalibini üstələmək lazımdır. Lakin belə ssenarinin reallığına əvvəllər Avropa kuboklarında Portuqaliya klublarının heç vaxt qarşılaşmamaları şübhə yaradır.

“Böyük 5-liy”in yeganə təmsilçisi “Vilyarreal”da hazırda 8 qolla turnirin bombardiri olan Cüzeppe Rossiyə böyük ümid bəslənilir. Bu mövsümədək UEFA Kuboku və Avropa Liqası tarixində 8 ən güclü komanda arasında eyni vaxtda İngiltərə, Almaniya, İtaliya və Fransa təmsilçilərinin olmaması halına rast gəlinməyib. Son 9 kubokdan 5-i İspaniya klublarına çatıb. Qalan 4 klub isə “Böyük 5-lik” ölkələrindən olub.

“Portu” (Portuqaliya) – “Spartak” (Moskva, Rusiya)
Baş hakim: Serj Qumyennı (Belçika)

“Dinamo” (Kiyev, Ukrayna) – “Braqa” (Portuqaliya)
Baş hakim: Byorn Kuypers (Hollandiya)

“Vilyarreal” (İspaniya) – “Tvente” (Hollandiya)
Baş hakim: Aleksey Nikolayev (Rusiya)

“Benfika” (Portuqaliya) – PSV (Hollandiya)
Baş hakim: Paolo Talyavento (İtaliya)

Oyunların başlama saatı Bakı vaxtı ilə göstərilib.