“Baku Fires” - “Paris United”: Heyətlər açıqlandı
07 aprel 2011 10:56 (UTC +04:00)

“Baku Fires” - “Paris United”: Heyətlər açıqlandı

Lent.az-ın məlumatına görə, 31 xal toplayaraq, qrup mərhələsində bütün rəqiblərini qabaqlayan komandamız finala gedən yolda “Paris United” klubu ilə qarşılaşacaq.

Fransa təmsilçisi 29 xalla Avropada birinci olmuşdu. “Paris United” klubunun ən güclü boksçularından biri 85 kq çəki dərəcəsində mübarizə aparan Lüdovik Qroq hesab olunur. O, WSB-nin reytinqində 2-ci yeri tutaraq, 2012-ci il London Yay Olimpiya Oyunlarına lisenziya uğrunda döyüşmək imkanı qazanıb. “Baku Fires”in baş məşqçisi Həmzət Ağayev Qroqa qarşı ukraynalı Denis Poyatsıkanı heyətə daxil edib. Fransa boksçusu WSB-də əla təsir bağışlasa da, həvəskar boksda elə bir ciddi nailiyyət əldə etməyib.

Paris komandasının digər önəmli boksçusu 91 kq-dan yuxarı çəkidə döyüşən Toni Yokadır. 18 yaşlı idmançı azərbaycanlı azarkeşlərə də yaxşı tanışdır. O, 2010-cu ilin aprelində Bakıda keçirilmiş gənclər arasında dünya birinciliyində gümüş medal qazanıb. Yoka Yeniyetmələrin I Yay Olimpiya Oyunlarının da qalibidir. Fransalı boksçu şənbə günü Məhəmmədrəsul Məcidovla üz-üzə gələcək. Milli komandamızın üzvü WSB liqasının ən güclü dəri əlcək ustalarındandır. O, mayın 28-də London olimpiadasına vəsiqə uğrunda italiyalı Klemente Russo ilə qarşılaşacaq.

“Paris United”in heyətində WSB liqasında əlcəzairli Abdelkader Çadi debüt edəcək.

“Sərhədçi” İdman Olimpiya Mərkəzində keçiriləcək “Baku Fires” – “Paris United” görüşü saat 19:30-da başlayacaq. Cavab qarşılaşması aprelin 15-də Parisin “Palais Des Sports Marcel Cerdan” kompleksində keçiriləcək.

54 kq

Məhəmməd Əbdülhəmidov (Baku Fires, Azərbaycan) – Giorgi Kilanava (Paris United, Gürcüstan)

61 kq

Semyon Qrivaçyov (Rusiya) – Abdelkader Çadi (Əlcəzair)

73 kq

Məhəmməd Nuritdinov (Belarus) – Stefan Kuevas (Fransa)

85 kq

Denis Poyatsıka (Ukrayna) – Lüdovik Qroq (Fransa)

+91 kq

Məhəmmədrəsul Məcidov (Azərbaycan) – Toni Yoka (Fransa).
# 514

Oxşar yazılar