Unibank Premyer Liqasında iki yenilik

Əvvəla, “Gəncə” klubu səfərdə “Qəbələ” qarşısına yeni baş məşqçi ilə çıxacaq. Bu, vaxtilə Gəncənin digər klubu “Kəpəz”ə 3 dəfə çempionluq və 3 ölkə kuboku qazandırmış Mehman Allahverdiyevdir. Ötən tur “Simurq”a öz meydançasında 0:1 hesablı məğlubiyyətdən sonra Fuad İsmayılov “Gəncə”nin baş məşqçi postundan kənarlaşdırılıb. Onu Allahverdiyev əvəzləyib.

Digər tərəfdən, AZAL klubu “İnter”i “Şəfa” stadionunda deyil, Şüvəlan qəsəbəsində yenicə istifadəyə verilən və hətta FİFA-dan iki ulduz sertifikatı alan arenada qəbul edəcək.

İlk “6-lığ”ın qalan 2 oyunu Tofiq Bəhramov adına Respublika stadionunda baş tutacaq. Birinci oyun günündə mərkəzi arenada “Bakı” “Xəzər Lənkəran”ı, ertəsi gün isə “Neftçi” “Qarabağ”ı qəbul edəcək.

İkinci “6-lıq”da isə autsayderlikdən qurtulma baxımından MOİK-in “Muğan”la, “Simurq”un isə “Turan”la oyunu xüsusi önəmə malik olacaq.

2 aprel (şənbə)

16:00. “Bakı” – “Xəzər Lənkəran”
Tofiq Bəhramov adına Respublika stadionu.

15:00. MOİK (Bakı) – “Muğan” (Salyan)
“Bakı” klubunun təlim-məşq bazasının stadionu.

15:00. “Qəbələ” – “Gəncə”
Qəbələ şəhər stadionu.

3 aprel (bazar)

16:00. AZAL (Bakı) – “İnter” (Bakı)
Şüvəlan qəsəbəsi, AZAL stadionu.

16:00. “Neftçi” (Bakı) – “Qarabağ” (Ağdam)
Tofiq Bəhramov adına Respublika stadionu.

15:00. “Simurq” (Zaqatala) – “Turan” (Tovuz)
Zaqatala şəhər stadionu.