“Neftçi” Kazanda problemlə üzləşdi
25 oktyabr 2012 00:35 (UTC +04:00)

“Neftçi” Kazanda problemlə üzləşdi

Futbol üzrə Avropa Liqasında Rusiya “Rubin”i ilə oyun öncəsi məşqə çıxan “Neftçi” Kazan şəhər mərkəzi stadionunda problemlə üzləşib. Lent.az-ın məlumatına görə, Mərkəzi stadionun rəhbərliyi arenanın projektorlarından ikisini söndürərək, Azərbaycan klubunun süni işıqlandırma şəraitində məşq keçməsinə maneçilik törədib.

Bu zaman UEFA nümayəndəsi bunu öz fotoaparatına köçürüb. “Neftçi”nin baş məşqçisi Böyükağa Hacıyev mətbuat konfransında məşqi jurnalistlərin sonadək izləməsinə icazə verdiyini desə də, arenanın mühafizəçiləri buna imkan verməyiblər. Öz növbəsində flaqman rəhbərliyi UEFA nümayəndəsinə şikayət edib. Bununla əlaqədar qitə futbol qurumunun “Rubin”i cəzalandıracağı gözlənilir.

Qeyd edək ki, oktyabrın 25-də məhz Kazan Mərkəzi stadionunda keçiriləcək “Rubin” – “Neftçi” matçı Bakı vaxtı ilə saat 21:00-da başlanacaq.

Elşən MƏMMƏDOV
Kazan
# 1740

Oxşar yazılar