AFFA prezidenti “Neftçi”ni təbrik etdi
17 sentyabr 2012 16:17 (UTC +04:00)

AFFA prezidenti “Neftçi”ni təbrik etdi

AFFA-nın prezidenti Rövnəq Abdullayev Avropa Liqasının qrup mərhələsinə vəsiqə qazanması münasibətilə "Neftçi" klubunun kollektivini qəbul edib. Lent.az-ın məlumatına görə, assosiasiyanın inzibati binasında baş tutmuş görüşdə Abdullayev flaqmanın bu nailiyyətini Azərbaycan futbol tarixinin ən böyük uğurlarından biri kimi qiymətləndirib.


O, ölkə prezidenti İlham Əliyev adından komandanı təbrik edib. Federasiya rəhbəri bildirib ki, bu uğuru qazanmaqla “Neftçi” ölkəmizin futbol tarixində yeni səhifə açıb: “Ümid edirəm ki, Avropa Liqasının qrup mərhələsində də əzmkar mübarizə aparmaqla "Neftçi" bizi sevindirməkdə davam edəcək. Artıq 5 gündən sonra Serbiyanın “Partizan” klubu ilə qarşılaşacaqsınız. Hər birinizə məlumdur ki, ilk oyunun nəticəsi çox əhəmiyyətlidir. Ümidvaram ki, bu oyunda müsbət nəticə əldə etməklə özünəinam hissinizi də gücləndirəcək və gələcək uğurların əsasını qoyacaqsınız”.


“Neftçi”nin baş məşqçisi Böyükağa Hacıyev bu nailiyyətin qazanılmasında komandanın hər bir üzvünün payı olduğu kimi, futbolun inkişafı məqsədilə AFFA-nın müəyyənləşdirdiyi strategiyanın da böyük rol oynadığını bildirib. O, komandaya verdiyi dəstəyə görə AFFA rəhbərliyinə minnətdarlıq edib.


Klub prezidenti Sadıq Sadıqov “Neftçi”yə göstərilən diqqət və qayğıya görə təşəkkürünü çatdırıb. O, “Neftçi”nin Avropa Liqasında keçirəcəyi oyunlar üçün hazırlanmış və üzərində “Rövnəq Abdullayev” yazılmış 75 nömrəli formanı AFFA prezidentinə hədiyyə edib.

Tədbirin sonunda xatirə şəkli çəkdirilib.
1 2 3 4 5 İDMAN XƏBƏRLƏRİ
# 2644

Oxşar yazılar

“Neftçi” uduzdu

“Neftçi” uduzdu

29 avqust 2025 , 22:55
"Fənərbaxça"nın baş məşqçi namizədi AÇIQLANDI

"Fənərbaxça"nın baş məşqçi namizədi AÇIQLANDI

29 avqust 2025 , 18:25
Azərbaycanlı Paralimpiya çempionu  afrikalı oğlana ƏRƏ GETDİ

Azərbaycanlı Paralimpiya çempionu afrikalı oğlana ƏRƏ GETDİ

29 avqust 2025 , 17:25
"Fənərbaxça" Kerem Aktürkoğlunu  transfer etdi

"Fənərbaxça" Kerem Aktürkoğlunu transfer etdi

29 avqust 2025 , 16:49
“Qalatasaray”a satmadılar,  "Milan"da oynayacaq

“Qalatasaray”a satmadılar, "Milan"da oynayacaq

29 avqust 2025 , 14:20
"Fənərbaxça" Mourinyonu istefaya göndərdi

"Fənərbaxça" Mourinyonu istefaya göndərdi

29 avqust 2025 , 11:41
"Beşiktaş"ın  yeni baş məşqçisi bəlli oldu

"Beşiktaş"ın yeni baş məşqçisi bəlli oldu

29 avqust 2025 , 10:23
“Qarabağ”ın Çempionlar Liqasındakı rəqibləri

“Qarabağ”ın Çempionlar Liqasındakı rəqibləri

28 avqust 2025 , 21:20