“Barselona”nın hücumçusu Ansu Fati Çempionlar Liqasının (ÇL) tarixinə düşüb.
Apasport.az saytının məlumatına görə, gənc forvard buna qrup mərhələsinin ilk turunda “Ferensvaroş”la ev oyununda fərqlənərək nail olub.
“Nou Kamp”dakı matçda iki qol vuran Fati bu turnirdə 18 yaşına çatmamış dubl edən ilk futbolçu ünvanına yiyələnib. O, ÇL-də ilk qolunu 2019-cu ilin dekabrında “İnter”lə matçda vurub.
Macarıstan klubu ilə görüşdə hesabı açan İspaniya təmsilçisinin kapitanı Lionel Messi isə Çempionlar Liqasında qol vurduğu komanda sayını 36-ya çatdırıb. Argentinalı bununla öz rekordunu yeniləyib.
Qeyd edək ki, “Barselona” “Ferensvaroş” üzərində 5:1 hesablı qələbə qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
