Zaqatala xəstəxanasında 2-ci uşaq ölümü - RƏSMİ AÇIQLAMA - YENİLƏNİB

Zaqatala xəstəxanası bu gün baş verən uşaq ölümünə aydınlıq gətirib.

Xəstəxanadan Lent.az-a verilən məlumata görə, Zaqatala rayon Danaçı kənd sakini, 2022-ci il təvəllüdlü şəxs (kişi cinsli) "boğulma, təngnəfəslik, hərarətin yüksək olması, tənəffüs çatmamazlığı" şikayəti ilə 08.01.2025-ci il saat 12:51 radələrində Zaqatala rayon Mərkəzi Xəstəxanasının TTY şöbəsinə daxil olub.

Vəziyyətinin ağırlığı ilə əlaqədar, saat 13:00 radələrində Anesteziologiya reanimasiya və intensiv terapiya şöbəsinə hospitalizasiya olunub. Xəstəyə "Bronxopnevmaniya, tənəffüs çatmamazlığı, larinqospazm" diaqnozu qoyulub.

Aparılan müalicə və reanimasiyon tədbirlərə baxmayaraq, 19:10 da xəstədə ölüm faktı qeydə alınıb. Hüquq mühafizə orqanlarına dərhal məlumat verilib.

***

Saat 19:50

Zaqatalada daha bir uşaq ölümü qeydə alınıb.

Lent.az xəbər verir ki, hadisə Zaqatala Mərkəzi Rayon Xəstəxanasında qeydə alınıb.

Rayonun Danaçı kənd sakini, 2 yaşlı Maxac rayon xəstəxanasında dünyasını dəyişib.

Uşağın ölümünün səbəbi hələlik məlum deyil.

Məlumata görə, azyaşlı ağır pnevmaniya ilə xəstəxanaya daxil olub, lakin həkimlər onun həyatını xilas edə bilməyiblər.

Faktla bağlı araşdırma aparılır.

Qeyd edək ki, ötən gün Zaqatala Rayon Mərkəzi Xəstəxanasının doğum şöbəsində qeysəriyyə yolu ilə dünyaya gələn körpə ölüb.