DİN Bakıda avtomobilin polis bölməsinə çırpılmasına münasibət bildirdi -YENİLƏNİB

Sosial şəbəkələrdə yayılan məlumata görə, Bakıda avtomobil polis bölməsinin hasarına çırpılıb.

Lent.az xəbər verir ki, yayılan məlumata görə, hadisə bu gün səhər saatlarında Bakının Suraxanı rayonu Yeni Günəşli qəsəbəsində qeydə alınıb.

Avtomobilin kirayə götürüldüyü və yüksək sürətlə idarə olunduğu qeyd edilib. Belə ki, nəqliyyat vasitəsi əvvəlcə 3-4 avtomobili vurub, daha sonra isə 33-cü polis bölməsinin divarına çırpılıb.

Məsələ ilə bağlı Lent.az-ın sorğusuna Bakı Şəhər Dövlət Yol Polisi İdarəsinin bölmə rəisi Toğrul Nəsirli münasibət bildirib.

O deyib ki, hadisəyə səbəb ilkin ehtimal olaraq sürücünün idarəetməni itirməsi olub.

Faktla bağlı araşdırma aparılır.

***

13:30

Bakının Suraxanı rayonunun Yeni Günəşli qəsəbəsində avtomobil idarəetməni itirərək ərazidə dayanan bir neçə nəqliyyat vasitəsinə çırpılıb.

Lent.az xəbər verir ki, bu barədə “Report”a qəzadan zərərçəkən sürücü məlumat verib.

Həmin şəxs bildirib ki, qəzaya səbəb olan sürücü bir neçə maşınla toqquşduqdan sonra 33-cü polis bölməsinin divarına çırpılıb.

Bakı Şəhəri Dövlət Yol Polisi İdarəsindən "Report"un sorğusna cavab olaraq bildirilib ki, qəzanın baş verməsinə ilkin ehtimal sürücünün idarəetməni itirməsidir. Məlumata görə, hazırda faktla bağlı araşdırma aparılır.