İslamçı yaraqlılar Pakistanın şimal-qərbində təbii qaz və neft zavoduna basqın edərək 4 polis və iki mühafizəçini öldürüblər.
Lent.az-ın xarici mediasına istinadla məlumatına görə, qeyd olunur ki, 50-yə yaxın yaraqlı Əfqanıstan sərhədinə yaxın Qanqa bölgəsində MOL Pakistan Oil and Gas Company zavoduna hücum edib.
Polis M-8 və M-10 quyularının ağır silahlardan atəşə tutulduğunu bildirib.
"M-8-dəki mühafizəçilər terror hücumunu dəf edib, lakin M-10-da itkilər var", - polis sözçüsü İrfan Xan bildirib.
Onun sözlərinə görə, yaraqlılar gəldikləri yaxınlıqdakı Şimali Vəziristana qaçmazdan əvvəl günəş elektrik stansiyasına da ziyan vurublar.
Hələlik heç bir qruplaşma hadisəyə görə məsuliyyəti üzərinə götürməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
