Zaqatalada bıçaqlanma hadisəsi qeydə alınıb. Zaqatala Mərkəzi Xəstəxanasından APA-nın Şəki-Zaqatala bürosuna verilən məlumata görə, bu gecə saat 01.40 radələrində Zaqatala şəhəri, Nizami 2 ünvanında yaşayan 1981-ci il təvəllüdlü Hacıyev Rəhman Xalid oğlu döş qəfəsinin sağ tərəfinin onuncu qabırğası nahiyyəsindən kəsilmiş-deşilmiş bıçaq yarası ilə xəstəxanaya gətirilib.
Əməliyyatdan sonra R.Hacıyev xəstəxananın reanimasiya şöbəsinə yerləşdirilib. Onu vəziyyəti orta-ağır hesab olunur.
Zaqatala Rayon Polis Şöbəsindən APA-ya bildiriblər ki, faktla bağlı cinayət işi açılıb. Polis R.Hacıyevi bıçaqlayan şəxsi axtarır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
