Yanan tövlədə 3 baş iribuynuzlu heyvan tələf oldu

Sabirabadda 3 baş iribuynuzlu heyvanın tələf olması ilə nəticələnən yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, rayonun Balakənd kəndində vətəndaşa məxsus ümumi sahəsi 60 kv.m olan tövlənin qamışdan ibarət tavanı yanıb. Yanğın zamanı tövlədə olan 3 baş iribuynuzlu heyvan yanaraq tələf olub və 1 baş iribuynuzlu heyvan yanğınsöndürənlər tərəfindən xilas edilib. Yaxınlıqdakı tikililər yanğından mühafizə olunub.