Xalası qızına 49 min manat atan məhkəmə qarşısında

Xalası qızına qarşı dələduzluqda təqsirləndirilən Cavahir Babayeva və Fuad Məmmədbəylinin cinayət işi üzrə məhkəmə prosesi davam edib.

Lent.az-ın məlumatına görə, hakim Azər Orucovun sədrliyi ilə keçirilən prosesdə məhkəmə istintaqı başa çatıb. Prokuror C.Babayevanın 9 il 6 ay, F. Məmmədbəylinin isə 8 il 6 ay azadlıqdan məhrum edilməsini istəyib. Məhkəmə prosesi dekabrın 14-də davam etdiriləcək.

Qeyd edək ki, təqsirləndirilən C. Babayeva tanışı F. Məmmədbəyli ilə birlikdə xalası qızı Zahidə Hüseynovanın 49 min manat pulunu dələduzluq yolu ilə ələ keçirib.