Tovuzda və Qusarda sürücü piyadanı vuraraq öldürdü

Qusarda ölümlə nəticələnən yol-nəqliyyat hadisəsi baş verib. Lent.az-ın Daxili İşlər Nazirliyinin saytına istinadən məlumatına görə, iyulun 21-də saat 23 radələrində, Qusar şəhərinin ərazisində, şəhər sakini Elman İsgəndərov idarə etdiyi “VAZ-21723” markalı avtomobillə yolu keçən həmyerlisi Eldar İsmiyevi vurub. Nəticədə piyada xəstəxanaya yerləşdirilib və orada ölüb.

Bənzər hadisə Tovuzda da baş verib. İyulun 18-də saat 07 radələrində Tovuz rayonunun ərazisində Bozalqanlı kənd sakini Özal Paşazadə idarə etdiyi “VAZ-2103” markalı avtomobillə yolu keçən həmkəndlisi Nofəl Həsənovu vurub. Nəticədə piyada xəstəxanaya yerləşdirilib və iyulun 21-də orada ölüb.