«Karvan»dakı yanğın söndürüldü - YENİLƏNİB -10

Sumqayıtdakı “Karvan” Ticarət Mərkəzində baş vermiş yanın söndürülüb. APA-nın hadisə yerində olan müxbirinin verdiyi xəbərə görə, hadisə barədə danışan fövqəladə hallar nazirinin müavini, general-leytenant Etibar Mirzəyev deyib ki, ilkin məlumata görə, yanğın ümumilikdə 6 min kvadratmetr ərazini əhatə edib və 4 saat davam edib.

Nazir müavini yanğının söndürülməsinə 30-dan çox yanğınsöndürmə briqadası cəlb olunub.

Yanğın ticarət mərkəzinin damından başlayıb və 2-3-cü mərtəbələri əhatə edib.

E. Mirzəyev ticarət mərkəzində su hovuzunun olduğunu, amma orda yetərli qədər suyun olmadığını da qeyd edib.

Nazir müavini hadisədə bir yanğınsöndürən əməkdaşının tüstüdən zəhərləndiyini, ona ilkin yardım göstərildiyini və səhhətinin normal olduğunu da bildirib.

Yanğının başvermə səbəbləri və dəyən ziyanın miqdarı araşdırmalardan sonra bəlli olacaq.

*** 23:29

Lent.az-ın hadisə yerindəki müxbirinin məlumatına görə, «Karvan»dakı yanğın söndürülüb.

***

23.05

Lent.az-ın FHN-ə istinadən məlumatına görə, “Karvan” ticarət mərkəzində baş vermiş yanğın məhdudlaşdırılıb. Yanğının söndürülməsi işləri davam etdirilir.

***

22.42

Fövqəladə Hallar Nazirliyi Sumqayıtdakı “Karvan” ticarət mərkəzində yanğın baş verməsi barədə ilkin məlumat yayıb.

APA-nın nazirliyin saytına istinadən verdiyi xəbərə görə, hadisə yerinə dərhal Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürmə qüvvələri və nazirliyin digər xilasetmə qüvvələri cəlb edilib.

Hazırda yanğının söndürülməsi istiqamətində lazımi tədbirlər həyata keçirilir.

***

22:32

Sumqayıtda “Karvan” Ticarət Mərkəzində baş verən yanğında xəsarət alaraq və zəhərlənmə ilə xəstəxanaya yerləşdirilən şəxslərin sayı məlum olub.

Sumqayıt şəhər Təcilli Tibbi Yardım Xəstəxanasından APA-ya verilən məlumata görə, ticarət mərkəzində baş verən yanğında kəsilmiş xəsarət alan 4 nəfər onlara müraciət edib. Onlar Tural Əmrahov, Xaliq Məmmədov, Rövşən Dəmirov və Vəfa İsmayılovadır.

Yanğın zamanı həmçinin daha 12 nəfər tüstüdən zəhərlənmə diaqnozu ilə xəstəxanaya müraciət edib. Həmin şəxslərə ilkin yardım göstərilib və evə buraxılıblar.
Xəstəxanadan həmçinin bildirilib ki, hadisə zamanı ölən və ağır xəsarət alan olmayıb.

***

22.00

Sumqayıt şəhərində “Karvan” ticarət mərkəzində yanğın davam edir. APA-nın Sumqayıtda olan əməkdaşının verdiyi xəbərə görə, hadisə yerinə fövqəladə hallar nazirinin müavini Etibar Mirzəyev gəlib. Həmçinin FHN-nin əlavə yanğınsöndürmə avadanlığı və canlı qüvvəsi də cəlb olunub.

APA-nın məlumatlna görə, FHN-in xilasediciləri yanğın baş verən “Karvan” ticarət mərkəzindəki dükanlara girən 5 nəfəri xilas edib. Onlarda tüstüdən zəhərlənmə diaqnozu qoyulub. Zərərçəkmiş şəxslər hadisə yerinə cəlb olunmuş təcili tibbi yardım həkimlərinə təhvil veriliblər.

Yanğının səbəbləri hələlik məlum deyil.

***

21.44

APA-nın məlumatlna görə, FHN-in xilasediciləri yanğın baş verən “Karvan” ticarət mərkəzindəki dükanlarına girən 5 nəfəri xilas edib. Onlara tüstüdən zəhərlənmə diaqnozu qoyulub. Zərərçəkmiş şəxslər hadisə yerinə cəlb olunmuş təcili tibbi yardım həkimlərinə təhvil veriliblər.

Məlumata görə, üç mərtəbəli ticarət mərkəzində 1000-ə yaxın dükan var. Hadisə yerinə gəən bu dükanların sahibləri və onların yaxınları mallarını dükanlardan çıxarmağa səy göstərirlər. Bu səbəbdən hadisə yerində sıxlıq yaranıb. Ərazidə sıxlıq olması səbəbindən yanğınsöndürənlər ticarət mərkəzinə yaxınlaşmasında müəyyən problemlər olub. Lakin buna baxmayaraq yanğının söndürülməsi istiqamətində ciddi tədbirlər görülür.

***

21.28

Lent.az-ı Sumqayıtdakı olay yerində olan müxbiri bildirib ki, «Karvan» Ticarət Mərkəzində yanğın davam edir. Külək gücləndiyindən yanğını lokallaşdırmaq çətinləşib. Yanğın ticarət mərkəzini əhatə edib.

Alovun «Karvan»-a bitişik «Cavid» Ticarət Mərkəzinə keçməsinin qarşısı alınıb.

Hadisə yerinə Sumqayıt şəhər icra hakimiyyətinin başçısı Eldar Əzizov da gedib.

***

20.25

Lent.az-ın məlumatına görə, Yanğından Ticarət Mərkəzini tərk etdikdən sonra xəbər tutan satıcılar və sahibkarlar pəncərələri müxtəlif alətlərlə qıraraq, içəri girməyə çalışırlar. Yanğının miqyası isə get-gedə genişlənir. Hətta yanğının "Karvan"a bitişik "Cavid" Ticarət Mərkəzinə keçmə ehtimalı da var.

***

20.13

Lent.az-ın müxbiri bilidirmb ki, ticarət mərkəzinin satıcıları hazırda həyəcan içindədir. Onlar öz mallarını çıxarmağa başlayıblar.

***

19.58

Sumqayıtın mərkəzindəki “Karvan” Ticarət Mərkəzinin ikinci mərtəbəsi yanır.

Lent.az-ın hadisə yerində olan əməkdaşının verdiyi məlumata görə, üç mərtəbəli ticarət mərkəzində yanğın saat 19:20 radələrində başlayıb.

Üç yanğınsöndürmə maşını bu dəqiqələrdə hadisə yerinə gəlib, yanğının söndürülməsinə səy göstərilir.

FOTOLAR : Lent.az-ındır