Şirvanda piyadanı vurub qaçan sürücü tutuldu - YENİLƏNİB

Şirvanda piyadanı vurub qaçan sürücü saxlanılıb.

APA-nın Mil-Muğan bürosunun məlumatına görə, Şirvan şəhər sakini, 1984-cü il təvəllüdlü Əliyev Amid Xanzalı oğlunu vuraraq hadisə yerindən qaçan sürücü saxlanılıb.

Həmin şəxs Şirvan şəhər sakini, 1997-ci il Şahbazov Xalid Xaləddin oğlu hadisəni idarə etdiyi “Prado” markalı 90 XG 991 dövlət nömrə nişanlı avtomobillə törədib.

Faktla bağlı Şirvan polis şöbəsində cinayət işi açılıb, araşdırma aparılır.

***

Şirvanda avtomobil piyadanı vurub.

APA-nın Mil-Muğan bürosunun məlumatına görə, naməlum avtomobil Şirvan şəhər sakini, 1984-cü il təvəllüdlü Əliyev Amid Xanzalı oğlunu vurub.

Ağır kəllə-beyin travması alan A.Əliyev Şirvan Şəhər Xəstəxanasının reanimasiya şöbəsinə yerləşdirilib.

Hazırda hüquq-mühafizə orqanları piyadanı vurub hadisə yerindən qaçan sürücünün saxlanılması istiqamətində əməliyyat-axtarış tədbirləri həyata keçirir.

Faktla bağlı cinayət işi açılıb, araşdırma aparılır.