Bu gün saat 16:05 radələrində Şirvan Milli Parkının ərazisində naməlum səbəblərdən yanğın baş verib.
Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, baş verən yanğın güclü külək səbəbindən qısa müddətdə ətraf ərazilərə yayılmağa başlayıb.
Ekologiya və Təbii Sərvətlər Nazirliyinin və Fövqəladə Hallar Nazirliyinin Regional Yanğın Mühafizə Xidmətinin əməkdaşları tərəfindən görülən təxirəsalınmaz tədbirlər nəticəsində yanğın 17:30 radələrində lokallaşdırılıb və tamamilə söndürülüb.
Yanğın nəticəsində Şirvan Milli Parkında 3 hektar ərazidə kol və quru ot örtüyü yanıb. Yanğının səbəblərinin müəyyənləşdirilməsi ilə bağlı Ekologiya və Təbii Sərvətlər Nazirliyinin tərəfindən araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
