Şəkidə taxılbiçən kombayn yanıb.
APA-nın şimal-qərb bürosunun məlumatına görə, bu gün günorta saatlarında rayonun Öryət kənd inzibati ərazisində, taxıl sahəsində “Aqrolizinq” ASC-yə məxsus, Rəfi Zülfüqar oğlu Məmmədovun idarə etdiyi taxılbiçən kombaynda yanğın baş verib. Hadisə yerinə Fövqəladə Hallar Nazirliyinin (FHN) Şəki rayon Dövlət yanğından Mühafizə Hissəsinin iki yanğınsöndürən maşını və şəxsi heyətləri cəlb edilib. Yanğın nəticəsində kombaynın mühərriki və salon hissəsinin yanar konstruksiyaları, 1 ha ərazidə biçilmiş taxıl sahəsi yanıb. Yaxınlıqdakı biçilməmiş taxıl sahələri yanğından mühafizə olunub. Yanğın zamanı xəsarət alan olmayıb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
