Şəkidə 2 nəfəri bıçaqlayan şəxslər tutuldu

Son iki gündə Şəki şəhər sakinlərini bıçaqlayan şəxslər saxlanılaraq istintaqa cəlb edilib. Şəki Şəhər-Rayon Polis Şöbəsindən APA-nın Şəki-Zaqatala bürosuna verilən məlumata görə, Şəki ŞRPŞ-nin əməliyyat-axtarış qrupunun keçirdikləri tədbir nəticəsində iyul ayının 2-i və 3-ü axşam saatlarında Şəki şəhər sakinləri 1980-cı il təvəllüdlü Qalib Söhrab oğlu Qarayevə və 1989-cu il təvəllüdlü Tərlan Ramiz oğlu Əliyevə şəxsi münaqişə zəmnində müxtəlif dərəcəli bıçaq xəsarəti yetirərək hadisə yerindən qaçan şəxslərin yeri müəyyən edilib və onlar saxlanılıb. Hər iki şəxs istintaqa cəlb edilib.

Hər iki faktla bağlı Şəki ŞRPŞ-də cinayət işi başlayıb, araşdırma aparılır.

Qeyd edək ki, bıçaqlanan 35 yaşlı Qalib Qarayevin və 26 yaşlı Tərlan Əliyevin üzərində cərrahiyə əməliyyatı keçirilib, hər iki şəxsin müalicəsi Şəki Rayon Mərkəzi Xəstəxanasında davam etdirilir.