Sabirabadda çayxanada yanıb

Sabirabad rayonu, Cavad kəndində (rayon mərkəzindən 8 km aralı) yanğın baş verib. Lent.az-ın Fövqəladə Hallar Nazirliyinin saytına istinadən verdiyi məlumata görə, hadisə zamanı vətəndaşa məxsus ümumi sahəsi 100 kv.m olan çayxananın dam örtüyünün yanar konstruksiyaları və içərisində olan əşyalar yanıb. Yaxınlıqdakı tikililər yanğından mühafizə olunub. Yanğın saat 14:11-də yanğınsöndürənlər tərəfindən söndürülüb.