Qəza törədən bankir oğlunun istintaqı başa çatdı
0
0
Göyçayda ağır qəza törətməkdə təqsirləndirilən Fərid Abdullayevanın cinayət işi üzrə ibtidai istintaq başa çatıb.
APA-nın məlumatına görə, təqsirləndirilən şəxs barəsində toplanan cinayət işinin materialları baxılması üçün Göyçay rayon Məhkəməsinə göndərilib. Cinayət işi hakim Zəfər Quliyevin icraatına verilib. Məhkəmənin hazırlıq iclasının vaxtı məlum deyil.
Qeyd edək ki, hadisə bu il yanvarın 28-də Göyçay rayonunun mərkəzində baş verib. Rayon sakini Fərid Abdullayevin idarə etdiyi 10 MX 073 dövlət nömrə nişanlı “VAZ 21 07” markalı avtomobillə 11 sinif şagirdi olan qızı vurub. Yaralı xəstəxanaya çatdırılıb, onun həyatını xilas etmək mümkün olub.
F. Abdullayevə Cinayət Məcəlləsinin 263.1-ci (yol-nəqliyyat hadisəsi törətmək) maddəsi ilə ittiham verilib.
Onu da qeyd edək ki, Fərid Abdullayevin atası İlqar Abdullayev Göyçayda "Zamin Bank"ın filial müdiri olub.
0
0