Qazaxda 2 ev yandı

Qazax rayonunda vətəndaşa məxsus 3 otaqlı ev yanıb.

FHN-nin mətbuat xidmətindən Lent.az-a verilən məlumata görə, ümumi sahəsi 120 kv.m olan birmərtəbəli 3 otaq və aynabəndən ibarət evin 2 otağının dam örtüyünün yanar konstruksiyaları 90 kv.m sahədə yanıb.

Yanğın zamanı yüksək temperaturdan bitişik olan digər vətəndaşa məxsus ümumi sahəsi 300 kv.m olan ikimərtəbəli 5 otaqlı evin giriş qapısına bitişik lambirdən ibarət talvar 5 kv.m sahədə əriyib. Evin qalan hissəsi və bitişik ev yanğından mühafizə olunub. Yanğın saat 06:36-da yanğınsöndürənlər tərəfindən söndürülüb.