Qazaxda mağazaları yaran şəxslər tutuldu

Qazax rayonunda mağazalardan oğurluq edən şəxslər tutulub. Lent.az Daxili İşlər Nazirliyinin saytına istinadən xəbər verir ki, mayın 23-nə keçən gecə Qazax şəhəri ərazisində şəhər sakini Mail Mahmudova məxsus mağazadan pəncərədən girmək yolu ilə 150 manat pul, tütün məmulatı və danışıq kartları oğurlanıb. Qazax RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Ceyhun Nəsibov və Elnur Əliyev tutulub. Ətraflarında aparılmış əməliyyat tədbirləri ilə onların, mayın 17-nə keçən gecə şəhər sakini A.Bayramova məxsus mağazadan 400 manat pul, tütün məmulatı və danışıq kartları oğurlamaları, habelə mayın 23-nə keçən gecə şəhər sakini F.Mustafayevə məxsus mağazadan qapını sındırmaq yolu ilə oğurluğa cəhd göstərmələri də müəyyən edilib.

Araşdırma aparılır.