Qanunsuz dərmanlar aşkar edildi

Kiyev-Bakı aviareysi ilə gələn Azərbaycan Respublikası vətəndaşına məxsus çamadan rentgen aparatından keçirilərkən monitorda şübhəli əşyaların təsviri əks olunub.

Lent.az-ın Dövlət Gömrük Komitəsinin saytına istinadən verdiyi məlumata görə, vətəndaş gömrük nəzarət zonasına daxil olarkən əvvəlcədən mütləq qaydada təqdim etməli olduğu əşyaları gömrük orqanına elektron və ya yazılı formada bəyan etməyib. Sərnişin baqajını götürüb "Yaşıl kanal" buraxılış sistemindən istifadə edərək gömrük nəzarətindən keçərkən Hava Nəqliyyatında Baş Gömrük İdarəsinin əməkdaşı tərəfindən "Qırmızı kanal"a yönləndirilib, sonra isə təkrar yoxlama keçirilib.

Yoxlama zamanı vətəndaşa məxsus qara çantanın içərisindəki şəxsi geyim əşyalarının arasında qara sellofana bükülü, üzərində "Lirika 75 mq Preqabalin" sözləri yazılan 56 ədəd ağ-qırmızı rəngli kapsul aşkar edilib.

Qeyd edək ki, Preqabalin "Güclü təsir edən maddələrin və onların külli miqdarının" siyahısına daxildir.