Qadının həyətindən inək oğurlayan 3 nəfər tutulub

Bərdədə oğurluqla məşğul olan şəxslər tutulub. Lent.az Daxili İşlər Nazirliyinin saytına istinadən xəbər verir ki, Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində fevralın 12-də Əfqan Salmanovun həyətindən 1 baş inək oğurlamış rayon sakinləri Taleh Mənsimov, Elşad Cəfərov və Elməddin Həsənov tutulublar. Ətraflarında aparılmış tədbirlərlə onların rayon sakini Gülyaz Kazımovanın həyətindən 1 baş inək oğurlamaları da müəyyən edilib.