Dekabrın 24-də prezident İlham Əliyev və xanımı Mehriban Əliyeva Sumqayıtda Nəsimi adına mədəniyyət və istirahət parkında görülən əsaslı yenidənqurma və abadlıq işlərinin gedişi ilə tanış olublar. Lent.az-ın prezidentin rəsmi saytına istinadən verdiyi məlumata görə, 100 hektara yaxın ərazisi olan Nəsimi parkında dövlət başçısının tapşırığına əsasən abadlıq və yenidənqurma işlərinə 2011-ci ilin mayında başlanılıb.
Parkda aparılan işlər “Göyərçin” abidə kompleksinə qədər olan ərazidə artıq yekunlaşıb.
Prezident İlham Əliyev abadlıq və yenidənqurma işlərinin yüksək keyfiyyətlə davam etdirilməsinə dair tapşırıq və tövsiyələrini verib.