Qəza qadın piyadanın ölümü ilə nəticələndi

Gəncə şəhəri ərazisində “VAZ-2107” markalı avtomobillə şəhər sakinini vurulub.

Daxili İşlər Nazirliyinin mətbuat xidmətindən Lent.az-a verilən məlumata görə, hadisə iyulun 31-də saat 21 radələrində baş verib. Şəhər sakini O.Haqverdiyev idarə etdiyi “VAZ-2107” markalı avtomobillə yolu keçən həmyerlisi Sevda Bədəlovanı vurub. Xəstəxanaya yerləşdirilmiş piyada orada ölüb.

Hadisə ilə bağlı Kəpəz rayon Polis İdarəsində araşdırma aparılır.