Paytaxtda zəncirvari qəza törədən sürücü hadisə yerindən qaçdı

Ötən gecə Bakının Binəqədi rayonunda zəncirvari yol qəzası baş verib

Lent.az-ın APA TV-yə istinadən verdiyi xəbərə görə, Azadlıq prospektind üç avtomobilin toqquşduğu qəza nəticəsində xəsarət alan olmayıb. Qəzaya səbəb olan "Mercedes" markalı avtomobilin sürücüsü hadisə yerindən qaçıb.

Şəxsiyyəti müəyyənləşdirilməyən sürücü yüksək sürətlə idarə etdiyi avtomobili Kənan Muradova məxsus VAZ-21011-ə çırpıb. VAZ-21011 isə qarşıda hərəkətdə olan və Arif İsrafilovun idarə etdiyi "Toyota"ya dəyib.

Qəzanı törədən sürücü avtomobili ilə birlikdə hadisə yerindən uzaqlaşıb.

Qəza nəticəsində Azadlıq prospektində uzun tıxac yaranıb. Qəzaya uğrayan avtomobillər hadisəyerindən evakuasiya edildikdən sonra Yol-Patrul Xidmətinin əməkdaşları prospektdə nəqliyyatın normal hərəkətini bərpa ediblər.

Faktla bağlı araşdırma aparılır