Nazirlik ər-arvadın güllələnməsi ilə bağlı məlumat yaydı

Daxili İşlər Nazirliyi Ucar rayonunda iki nəfərin güllələnməsi hadisəsi ilə bağlı məlumat yayıb. Lent.az nazirliyin saytına istinadən xəbər verir ki, mayın 15-də Ucar rayonunun Yuxarı Şilyan kənd sakini Daşqın Həsənov həyətyanı sahəsinə girmiş çaqqalın istiqamətində tüfəngdən açdığı atəş nəticəsində ətrafa səpələnmiş qırmalardan qonşuları Aqil Fəzliyev və arvadı Günel xəsarət alıb. Onlar xəstəxanaya yerləşdiriliblər.

Ucar RPŞ əməkdaşları tərəfindən D.Həsənovdan müvafiq sənədləri olmayan “TOZ-16” markalı ov tüfəngi götürülüb.