Miqrant faciəsi davam edir: 34 cəsəd sahilə çıxdı - YENİLƏNİB

Türkiyənin Egey sahillərində tapılan miqrant meyitlərinin sayı 34-ə çatıb.

APA-nın “Hurriyet Daily News”a istinadən verdiyi məlumata görə, bundan əvvəl 21 mühacirin meyitinin tapıldığı bildirilmişdi. Məlumata görə, Yunanıstanın Lesbos adasına getmək istəyən miqrantların bir neçə qayığı aşıb. İlkin məlumata görə, söhbət iki insidentdən gedir. Qayıqların və onların göyərtəsində olan miqrantların dəqiq sayı məlum deyil.

Meyitlər iki müxtəlif yerdə aşkarlanıb. 24 cəsəd Balıkəsir vilayətinin Ayvalık şəhərinin sahil rayonunda, daha 10 nəfərin meyiti isə İzmir vilayətinin Dikili şəhəri sahillərində aşkar edilib.

Məlumata görə, birinci insidentdə ölənlərin İraq, Əlcəzair və Suriya vətəndaşları olduğu bildirilir, ikinci insidentin qurbanlarının vətəndaşlığı barədə məlumat verilmir.

Axtarışlar davam etdirilir. Əməliyyata qayıqlar və helikopter cəlb olunub.

****15.33

Türkiyənin Balıkesir şəhərinin Ayvalık qəsəbinindən Yunanıstana keçmək istəyən miqrantları daşıyan qayıq batıb.

Lent.az-ın Türkiyə KİV-ə istinadən məlumatına görə, bu gün səhər saat 05:00 radələrində qaçaq miqrant faciələrinə yeni biri daha əlavə olunub. Qəsəbə sahillərinə 13 miqrantın cəsədi vurub.

Belə ki, bu gün səhər saatlarında Yunanıstanın Midilli adasına keçmək üçün dənizdə yola çıxan 22 qaçaq miqrantı daşıyan rezin qayıq bir müddət sonra yoxa çıxıb. Fırtınalı hava, dalğalı dənizdə suya düşən miqrantlardan çoxu uşaq olmaqla 10-un cəsədi sahilə çıxıb.

Deyilənə görə, artıq Balıkesir Ayvalık Mahalına bağlı Altınova Məhləsində sahilə çıxan cəsədlərin sayı 13-ə çatıb.

8 miqrantı xilas edən təhlüksizlik qüvvələrinin işçiləri axtarışları davam etdirir. Xilas edilənlər Cunda adasına aparılıb.

Sağ qalan, ancaq uzun müddət suda qaldıqları üçün bədən temperaturu düşən 6 nəfər isə xəstəxanaya aparılıb.

Bundan başqa, daha bir faciə də İzmirin Dikili mahalında yaşanıb. Rezin qayıqda yola düşən Əfqan və İran əsilli 56 nəfər qayığın batması nəticəsində xilas edilib. Əfqan əsilli 7 nəfərin isə cəsədi tapılıb.