Məhkum həbsdən əvvəl gizlətdiyi silahları təhvil verib
11 oktyabr 2019 18:58 (UTC +04:00)

Məhkum həbsdən əvvəl gizlətdiyi silahları təhvil verib

Ədliyyə Nazirliyi Penitensiar xidmətinin əməliyyat aparatının müxtəlif cinayətlərin üstünün açılması istiqamətində respublikanın digər hüquq-mühafizə orqanları ilə qarşılıqlı əməkdaşlığı davam edir.
 
Xidmətdən Lent.az-a verilən məlumata görə, 16 saylı cəzaçəkmə müəssisəsinin əməliyyat aparatlarının və Suraxanı rayon Polis İdarəsinin əməkdaşlarının birgə keçirdikləri əməliyyat-axtarış tədbirləri nəticəsində Cinayət Məcəlləsinin 180.2.4 və 180.2.1-ci maddələri ilə təqsirli bilinərək 6 il 6 ay azadlıqdan məhrum edilən məhkum Qurbanov Pünhan Bəkir oğlu həbs edilməmişdən əvvəl Suraxanı rayon mədənlər adlanan ərazidə torpağa basdıraraq gizlətdiyi lüləyi və qundağı kəsilmiş 2 ədəd ov tüfəngini könüllü olaraq təhvil verib.
 
Faktla bağlı araşdırma aparılır.
# 575
avatar

Mehman Nəbiyev

Oxşar yazılar