Maşını traktora vuran sürücünün məhkəməsi başladı
27 oktyabr 2015 16:09 (UTC +04:00)

Maşını traktora vuran sürücünün məhkəməsi başladı

Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsində təqsirləndirilən Vüqar Hüseynovun cinayət işi üzrə məhkəmənin hazırlıq iclası başlayıb. Lent.az-ın məlumatına görə, hakim Faiq Qəniyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmənin baxışı noyabrın 5-nə təyin edilib.

Qeyd edək ki, hadisə bu il Bakı-Quba maqistral yolunun Siyəzən rayonu ərazisində baş verib. Siyəzən rayon sakini Vüqar Hüseynovun idarə etdiyi "Vaz-2106" markalı avtomobil traktorla toqquşub. Hadisə nəticəsində avtomobildə olan 2 nəfər dünyasını dəyişib. 

# 214
avatar

Səlcuq Elçin

Oxşar yazılar