Azərbaycanda yol qəzalarında 4 nəfər ölüb, 4 nəfər yaralanıb

Naxçıvanda yol-nəqliyyat hadisəsi baş verib. Lent.az-ın Daxili İşlər Nazirliyinin saytına istinadən məlumatına görə, avqustun 15-də saat 20 radələrində Naxçıvan şəhərində şəhər sakini Səxavət Eyvazov idarə etdiyi “KİA” markalı avtomobillə yolu keçən həmyerlisi Təyyar Quliyevi vurub. Xəstəxanaya yerləşdirilmiş piyada avqustun 21-də orada ölüb.

Daha bir yol-nəqliyyat hadisəsi Cəlilabad rayonunda da baş verib. Avqustun 21-də saat 18 radələrində rayonun Cəngan kəndində şəhər sakini Firdovsi Məlikov idarə etdiyi “VAZ-21074” markalı avtomobili aşırıb. Nəticədə sürücü və 3 sərnişini xəstəxanaya yerləşdirilib, F. Məlikov və Rəşid orada ölüblər.

Oxşar qəza avqustun 21-də saat 13 radələrində Sabunçu rayonunun Maştağa qəsəbəsində də baş verib. Bakı şəhər sakini Ramin Səfərəliyev idarə etdiyi “Hyundai” markalı avtomobili aşırıb. Nəticədə R. Səfərəliyevin 3 sərnişini xəstəxanaya yerləşdirilib, Orxan Yadigarov orada ölüb.

Araşdırmalar zamanı qeyd edilən nəqliyyat vasitəsinin həmin gün R. Səfərəliyev tərəfindən qaçırılması müəyyən edilib.

Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində R. Səfərəliyev tutulub.