Həbsdə olan vəkil İntiqam Əliyevin barəsində olan cinayət işi üzrə ibtidai istintaq başa çatıb.
Bu barədə APA-ya məlumat verən vəkil Cavad Cavadov bildirib ki, hazırda vəkillər cinayət işinin materialları ilə tanış olurlar.
İ. Əliyev Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə) , 192.2-ci (qanunsuz sahibkarlıq) və 179.3.2-ci (mənimsəmə və ya israf etmə) maddələri ilə təqsirli bilinir.